نكات ونكات ونكات

من طرف **ayman2** السبت أكتوبر 06, 2007 11:37 pm

قال ليك فى واحد عندو موتر يوم كان مركب صحبو معاهو قعدوا يتشاكلوا الاتنين منو الى يقعد جنب الشباك............

قالوا فى قرد عيان راقد فى المستشفى، جا واحد صحبو يسال الدكتور منو الدكتور: واللهى القرد ده بين الحياة والموز.

رباطابي مركبة غرقت مشى يعمل بلاغ العسكري قال ليهو غرقت وين قال ليو في شارع الظلط

جماعة رباطاب شايلين ليهم زول تعبان مودنو المستشفى لاقهم واحد قال ليهم خير يا جماعة ان شاء الله عوجة مافي قالو ليهو خير بس فلان دا عيان شوية اها وهسي مودنو وين العيان رفع راسو وقال ليهو مودني الطاحونة

قا ليك يا فردة يا تفتيحة
واحد بخاف من الكلاب موت وبتخيل ليه انو الكلب بعضيه
خصوصا لو مر بي جنبو
فيوم جاي راجع من حفلة آخر الليل وصحبانوا مقدمنوا
لحدي باب البيت عشان عارفنيو خواف ولمان وصلوا
قالوا ليه طيب يا حنو سلام للصباح
قال ليهم مع السلامة
جا يفتح الباب خت كراعوا فوق كيس الوسخ

وقعد يكورك
جر جر جرجر

في واحد دخل مطعم بيتزا هت طلب قراصه!

.................................................. ................!

في واحد دخل مطعم بيت الدونات الأمريكي طلب لقيمات!

واحد شايقى بيجب اكل البيت وما بيدى اولادو يوم جاب سمك
ولدو سألو ده شنو ياابوى الابو قاليهو ده موز الولد قاليهو ده سمك ياابوى
الاب قال لولدو فيهو شوك الولد مامشكله بلبس سفنجه

قالو في سودانيين كسلانين كسل مبالغة شغلوهم في محل بتاع موبليات بس ينومو
ا في السرير دا والزبائن يجو يتفرجو قالو ليكم بعد اسبوع قالو عايزين اجازة

واحد جعلي وقع في بير قام جا واحد شايقي نزل الدلو الجعلي مسك في الدلو الشايقي نشل الدلو حتي عتبة البير الجعلي شاف الشايقي عرفو من شلوخو قام طلع سكينه وقطع الحبل

انا هنا بسأل سؤال ماهي العداوه بين الجعلي والشايقي؟؟؟؟؟؟؟؟؟

كان في واحد جعلي ماشي في شارع ضيق جداً ( زقاق ) وفي أول الزقاق دا كان في واحد شايل عكاز كبير و ساكي ليه كلب ؛ لمان شاف الجعلي في نهاية الزقاق قال ليه حوش الكلب ، واخونا الجعلي حاول يحوش الكلب ، لكن الكلب كان خايف من العكاز و جاء قاصد ليك الجعلي عديل ، فما كان من الجعلي إلا ينط من أقرب حيطة خوفاً من الكلب ؛ بعدين الجعلي اتحرج شديد جداً و اتعقد من الموقف دا ؛ فقام طوالي ماشي ليك للزول الساكي الكلب وراح هارشو ليك : إنت حيوان دا زقاق يسكو فيهو كلب ؟؟؟؟ ؟؟؟؟؟ ؟؟؟؟؟

كان فى جعلى وشايقى ساكنين جيران وكانوا الاتنين مربين كلاب
فى يوم العصريه جالسين امام ابوابون بره قام كلب الشايقى تحرش بى كلب الجعلى قام كلب الشايقى جلد كلب الجعلى جلده شديده زعل عليها الجعلى زعل شديد قام طوالى قام من كرسيه وملص عراقيه وقال للشايقى الفى الكلاب عرفناها كدى تعال نقوم انا وانت

قاليك كان فى تور هايج اتعب الناس تعب شديد البلم فيه كلوا ينطحو وبقى ساكى الناس بالشوارع ماقدر عليه الا واحد مفتل مسك ليك التور من قرونو ورماه على الارض فى واحده من الحريم شاهدت هذا المنظر 00000 ايوى ايوى ايوى زغرتت وطوالى قالت متيمنه هذا الراجل ده جعلى ومشت طوالى وسالتو انت جعلى قال ليها لاشايقى 00 قالت متيمنه امبقى كدى التور ده باطل

الرباطابى والغنماية

واحد رباطابى عندو غنماية خايف عليها من العين عشان كدة داسيها
من الناس اقصد الجيران لكن بالرغم من كدة فى واحد من الجيران شاف
الغنماية لكن ما اتكلم بعد فترة الرباطابى قام اشترى ليهو بقرة فرزيان
وطبعا كان خايف شديد وجا ماشى براحة جنب الحيطة عشان الجيران
قام جارو الكان شاف الغنماية طلع ليهو براحة وقال ليهو اسمع بعد جبت الهيئة القومية دى ما تدينا الجنليتر الجوة داك .......

الجعلى والشايقى

جعلى وشايقى اصحاب قام يوم الجعلى مشى مع الشايقى كريمة
قام الشايقى جاب ليك الفطور اصناف كتيرة من الاكل بس فى صحانة صغيرة ولمان قعدو للاكل الشايقى قال ليهو قول بسم الله الجعلى زعل وما رضى الحكاية دى قام يوم من الايام الجعلى عزم الشايقى فى شندى واول ما وصل جاب ليك خروف كامل مشوى
شايلنو راجلين ومعاهو كم فحل بصل ابيض وشطة وكدة واول ما ختو
الخروف الجعلى قال للشايقى : الليلة علي بالطلاق ما تقول بسم الله
عشان اشبعك واشبع شواطينك معاك ...................

فار عرس أم أربعة وأربعين
طلقها عشان قروش الحنانة

من طرف **MOHRG** الأربعاء أكتوبر 24, 2007 1:05 pm

هاهاهاهاهاهاها
تسلم دي احلي واحدة
جماعة رباطاب شايلين ليهم زول تعبان مودنو المستشفى لاقهم واحد قال ليهم خير يا جماعة ان شاء الله عوجة مافي قالو ليهو خير بس فلان دا عيان شوية اها وهسي مودنو وين العيان رفع راسو وقال ليهو مودني الطاحونة