البشير النزير

اول حاجة ياسيد الرجالة القرارت بشان اوكامبو وما ادراك ما صدرت الا بماكسبت يداك وما بترتفع منك الا بما كسبت يداك اول حاجة كنت في عزلة تالمة عن شعبك واهلك وسكنتمساك الذين ظلمو انفسهممن القصور ونسيت الناس وانشغلت عنهم اما لمصالحهم او لا سباب نحن ما بنعرفا عموما
هسع رجعت للناس ولقيت اهلك الطيبين حنو عليك وفدوك بانفسهم ودماءهمواموالهم انت زول صالح لكن مسكين ماتفتيحة من هذا المنبر اتكلم معاك صحيح انو الفي البر عوامم
من هنا وماشي او من الان فصاعد انت صاحب الراي والمشورة وماترجع لي وراونحنا معاك وما تبقي اضينة يسوقوك جاي ولا جاي شوف الناس المهضومة وقف كل شي والتفت لاعمار دارفورناس المعسكرات كسر المعسكرات نادي ناس المعسكرات واحد واحد واسالهم عن متتطلباتم وامنياتم واحلامهم مهماتكون الفاتورة غالية اخف من فتاورة الحرب حقق رغباتهم وانسي نفسك وانسي الباقي موقتا اولا كل حيل المستعمر والصعاليق دي حتنتهي اهدم المعسكرات والعشوائية وابني ليهم البيوت والاحياء واحغر الابار واستعمل الطاقة الشمسية مثلا لاستخراج الماا واستعين بالخبرات الاجنبية وابني لهم السدود في الخيرانوالمجاري وملكهم المشاريع الاثتسمارية وعفهم عنك ورضيهم الله بيرضي عنك ولا تهمل الموضوع ولا تعاين للتقارير المكتوبة البيجيبوها ليك مكتوبة امشي بي نفسك واقيف علي كل كبيرة وصغيرة بي نفسك واتنازل عن كبرياءك وماتخاف افو يالجعلي
تاني شي اقفل الحدود خاصة الجنوبية والغربية لانو انحنا عارفين انو الفتن دي كلها من مرتزقة من خارج البلاد او عملاء جند الشباب لحراسه الحدود وشدد في اجرات الجوازات والاوراق الرسمية عشان البلد دي ماتبقي زريبة العطالة مالين البلد وخاصة الخرطوم حفز الشباب في حراسة الحدود والثقور وجهزهم باحدث المعدات واحسن الحوافز من ملكهمالحوافز والامتيازات
وبرضو اقيف بينفسك وماتقعد في القصر تعاين الكلام في الورق واقول ليك حاجة انت ما عارفة الفجوة دي سببها الكسل وانك كلفت الناس يبكو ليك والبكا بحررو سيدو وانت سيد الحارة وسيك سيك معلق فيك وكلكم راع وكلكم مسئول عن رعيته عاوزك تمشي في الخرطوم وتشوف بي نفسك وتسافر في الدول ليس بصفة الريس بل بصفة المواطن الغيور علي وطنو
شوف السعودية والخليج شوف الاجانب كيف وشوف المواطن كيف وشوف الحاكم بيعمل شنو للمواطن وشوف المواطنون بحبو حاكمهم كيف لانو اي واحد مواطن عندو حق مادي مسكن منكح ومركب لاي مواطن والاجنبي يكدح علي الرغم من انهم اقل زكاء واقل علما
وشوف شعبنا الطيب عملت ليو شنو؟ماتقول لي شوارع وخلاف لا دةواجب محتم وده راجع ليك انا باقصد بصفة خاصة
مايهم الناس تموت او تحيا المهم يكون في اثتثمار اجنبي خصخصة للمرافق الحساسة والعامة وتخفيض عمالة لا والشي المؤسف كمان عماله اجنبيه يييااه للهول نحنا بنصدر عمالة مش عطالة يبقي مافي داعي لاستجلاب عمال من برة ممكن نستجلب خبراااء ونلزمهم بتدريب الكوادر والعمالة ونرفع من روح الشعب المعنوية وخاصة الطبقة المهضومة ممكن ندفع للخبير اي مبلغ ولكن مانضيع الفلوس علي العمال
اولا مابنستفيد من العامل الاجنبي اي شي لانو اذاجبنا عامل اجنبي حنزيد في العطالة واذا زدنا العطالة حيكون في تمرد وعدم موضوعية وعدم رضا من الحكم وكذلك عدم تنمية لكن شوف مين المستفيدمن استجلاب العمالة؟؟
شوف المشاريع الكبيرة ليه وقفت ؟
وجيب خبراء اجانب واعرض عليهم الامر لكن بشرط العمالة سودانيةمع التاهيل شوف الخبرا الي عندهم محبة للسودان وعندهم غيرة وحرقة علي الاسلام
وصغر حجم العمالةالاجنبية في السودان وطور الكوادر حتي العامل البسيط عشان بكرة مايقولو ليك نحنا مهمشين وماتخصخص المرافق العامة وان كان لابد فاشرك جميع السودانيين وحدد الاسهم مثلا الكهرباء اقسم الشركة علي 5الف سهم ولايحق لاي مواطناو اي جهة امتلاك اكثر من3 اسهم مهما كان السبب اي اشراك جميع القبايل بشتي الاجناس والاعراف لانو الكهربادي بتاعة السودان كلو والموية بتاعة السودان وما تسمع لي كلام حمدي ده مجنون بحاول يطبق سياسة اقتصادية امريكية اهو شوف امريكا اقتصادها وين؟؟بعدين امريكا ان نجحت لانو عندها نظام اجتماعي قوي يعني امريكا لو خصخصت ليه حف لانها بتدفع للمواطن فلوس شهريا وبتدي الهنود الحمر المثقفين2 ضعف المواطن الانجليزي الوافد بعدين معفي من كل انواع الجباية والضرائب حتي المحاكمات الحدية كتعطي المخدرات وخلافه
اشرك الناس في الثروات ومانقارن نفسنا بامريكا والدول المتقدمة اعد النظر في التعليم والسلم التعليمى الجديد اسالك سوال هل عندك وظايف لكل الخريجين..؟الاجابه حتما لا طيب مستعجل لبه عشان تخرجهم؟؟بمعني انو ليه نختصر سنتين من السلم؟ ليه العجلة مادام انت ماعندك ليهم وظايف خليهم يقرو سنتين عشان يكونو مؤهلين اكتر وناضجين اكتر امشي شوف الجامعة والاطفال ومادراك ماالشفع
اولا فيهم من لم يكن قنونيا ان يختلط بالجنس الاخر لم ينضج بالمفهوم الاوربي افل من18 ثانيا اظن تطبيق السياسة البريطانية ما فرض عاينا عشان يقيموا شهاداتنا او لا بعدين مش مهم تكون شهاداتنا معترف بيها في النظام الانجليزي المهم يكون عندنا جيل فوي معافي
ثانيا علينا اختيار طلاب افزاز من المساق العلمي خاصة الاوائل لدراسة العلوم النظرية بدلا من التطبيقية مثلا القانوني التنمية الاجتماعية والبشرية والاقتصاد والعلوم السياسية والادارية وبالاخص الدينية لاحظ من يدرس الحقوق في بريطانيا ومن يدرس القتصاد والعلوم السياسية والادارية علم اللهوت يختارون له من هو فز وزكيونحن نختلر للشريعة والدعوة من لم يجد او صاحب النسبة الضئيلة حتقول لي رغبات اقول ليك لا سياسة عشان الناس الازكيا ترغب في دراسة هذة العلوم علينا ان نرفع الحوافز ونخصص الدعم والفكر والجهد والاعلاملهذه الوظايف مثلا المحمي لابد ان يكون من الازكيا النبلا ننظر سيرته الزاتيةمنز نشاته الي وقت جلوسه لامتحان مع احترامي للمحاميين شوف الان كيف صار الحال؟؟ شوف كيف صار النظام الاداري ليه صار الامر لان الادارة بيدخلوه اصحاب الشهادات الادبية او النسب الضئيلة ضيق الافق+تجددالمهام +القبليات والوساطة +عدم التاهيل الكافي والخبرات العالمية= تسويف تهميش تحريش فتن
انظر النظام الوظيفي والاداري وتعل خاشي توش في اي مصلحة وعاين بي عينك
النقة كتيرة ونواصل عاوز اطرح موضوع للنقاش وبعدين اكتب ليكم فيه
ايهما اهم العلوم النظرية اقتصاد حفوق تنمية بشرية جغرافيا تاريخام العلوم التطبيقية طب بانواعو هندسة بانواعها ؟
طظ في اوكامبو واحلافهم