اصلو ما ممكن

من طرف **bhja** الثلاثاء أكتوبر 16, 2007 3:25 pm

أصلو ما ممكن (اسحق الحلنقي)

ممكن وللا ما ممكن
أسيبك اصلو ما ممكن
اسيبك كيف بعد ريدك
صبح من روحي متمكن

ممكن تختفي الأبراج
ويبقى النيل بدون أمواج
يغيب الكوكب الوهاج
وتبقى الزهرة من غير تاج
عارف شوقي ما بهدن
واسيبك أصلو ما ممكن

ممكن يرحلوا النيلين
ويمشوا يهاجروا مغتربين
وممكن يجرح الياسمين
والزيتون يجافي التين
إلا الأصلو ما ممكن
نعيش انا وانت مفترقين
ممكن أي حاجة تكون
وحرف النون يكون ما نون
وممكن تاني يظهر لون
يضيع لون دهب شيبون
إلا الأصلو ما ممكن
غلاوتك عندي مرة تهون

من طرف **MOHRG** الأحد أكتوبر 21, 2007 12:43 pm

تشكري ابداع بالجد ويسلمووووووووووووووووووووووووووو...............تقبلي مروري

من طرف **bhja** الأحد نوفمبر 18, 2007 11:34 am

شكرا يا مهرج
وربنا يديك العافية

اصلو ما ممكن

اصلو ما ممكن

رد: اصلو ما ممكن

رد: اصلو ما ممكن